Glinderin
A
scud
o snaa, an
da Wart o Bressa
is Mt Fuji abune da Soond;
wi dat sam perfect symmetry
o dark an licht shö looms. Sun bracks trowe,
da wind dills doon an da snaa roond her cöts is towed;
on da plain o da sea, da cone o da Wart is a shimmerin Kilimanjaro.
Tall cloods wi der siller linings melt at da tap o an April day;
an da Bressa Wart, in her simmer cotts, stowes awa her winter claes.
Christine De Luca